“O‘zbekiston pochtasi”ning Toshkentdagi Shimoliy vokzalga yondosh hududda joylashgan xalqaro filialida 5-fevralga o‘tar kechasi yuz bergan yong‘in yuzasidan Toshkent shahar IIBB Yong‘in xavfsizligi boshqarmasi bo‘lim boshlig‘i Baxtiyor Po‘latov “Darakchi.uz”ga axborot berdi.
“4-fevral kuni soat 23:00 da Shimoliy vokzalga yondosh hududda joylashgan “O‘zbekiston pochtasi”ga qarashli xalqaro filialda kuchli yong‘in sodir bo‘ldi. Voqea joyiga 12 ta o‘t o‘chiruvchi mashina tezkorlik bilan safarbar etildi
Baxtiyor Po‘latovning qayd etishicha, hodisa oqibatida 900 kvadrat metr joy yongan, 2000 kvadrat metr hudud olovdan saqlab qolingan. “Yong‘in 5-fevral soat 00:44 da to‘liq bartaraf etildi”, — deydi YoXB bo‘lim boshlig‘i.
Dastlabki tahminlarga ko‘ra, yong‘in qisqa tutashuv oqibatida yuzaga kelgan. Qayd etishlaricha, hozirda hodisa yuzasidan surishtiruv ishlari olib borilmoqda. Yong‘in oqibatida jabrlanganlar yo‘q.
Izoh (0)