Checheniston rahbari matbuot xizmatining YeIning Rossiyadagi elchisi Vigaudas Ushatskasning so‘zlariga tushuntirish berish haqidagi so‘roviga Yevropa Ittifoqining Moskvadagi vakolatxonasi javob berdi. Bu haqda “Vedomosti” xabar qiladi.
Checheniston rahbarining aynan qaysi so‘zlarida qotillikka qaratilgan oshkora tahdid borligi haqidagi so‘rovga YeI vakolatxonasi matbuot xizmati “Qodirovning Instagram’dagi akkauntida e’lon qilingan video va uning keyinroq o‘chirib tashlangani shundan dalolat”, deya javob bergan.
1-fevral kuni Qodirov Instagram’da “Parnas” partiyasi rahbari Mixail Kasyanovning “nishonga olingani” haqidagi videoni namoyish etdi. Keyinroq video ijtimoiy tarmoq qoidalariga zid deb hisoblangani uchun o‘chirilgan edi.
YeIning Rossiyadagi elchisi Vigaudas Ushatskas Mixail Kasyanov bilan telefon orqali suhbatda Checheniston yetakchisi Ramzan Qodirov tomonidan bo‘lgan tahdidlardan “hayratga tushgani”ni bildirgan.
Izoh (0)