Moskvaning “Lokomotiv” klubida to‘p surayotgan O‘zbekiston milliy terma jamoasi himoyachisi Vitaliy Denisov rossiyalik jurnalistlarga bergan intervyusida “Latsio” jamoasining qiziqishi borasida o‘z fikrlarini bildirib o‘tdi, deb xabar beradi “Uff.uz”.
- Sizga Yevropaning qaysi chempionatlari yoqadi?- Angliya va Germaniya chempionatlari.
- Italiya chempionatichi?- Italiya chempionatidan oxirgi paytlarda hafsalam pir bo‘lmoqda.
- Shu sababli sizning “Latsio”ga o‘tishingiz mumkinligi haqidagi mish-mishlar kamayib qoldimi?- Umuman olganda, bunday mish-mishlar qayerdan paydo bo‘lganini bilmayman. “Trabzonspor”ga o‘tishim haqida ham shunday gap-so‘zlar yurgandi.
- “Latsio” yomon variant emas-ku...- Albatta, yomon variant emas. Ammo real taklif bo‘lgandan keyingina bu borada o‘ylab ko‘rish mumkin. Hozircha esa muhokama qilishning hojati yo‘q... Menga qolsa, Angliyaning “Manchester Yunayted”, “Arsenal”, “Everton” klublarida o‘ynashni istardim...