Google muhandisi Maks Braun o‘z vannaxonasidagi oddiy ko‘zguni “aqlli”siga aylantirdi, u ob-havo, vaqt va yangiliklardan xabardor qilib turadi, deb yozadi TJournal.
Qurilmani yasash uchun ikki tomonlama ko‘zgu, kontroller platasi va displey paneli kerak bo‘ldi. “Aqlli” ko‘zguning o‘ng tomonida sana va vaqt, chap tomonida — ob-havo ma’lumoti, pastida Associated Press saytidan dolzarb yangiliklar sarlavhalari joylashadi.
Ingichka displey javon eshigi va ko‘zguli shisha orasiga o‘rnatilgan. Braun o‘z tizimi uchun Fire TV Stick’ni asos qilib oldi. Ko‘zguni ovoz orqali boshqarish mumkin: uning yordamida internetda axborot qidirsa bo‘ladi.
Braunning aytishicha, ko‘zgu ustidagi ishlar nihoyalanganicha yo‘q, u yana bir nechta g‘oyani amalga oshirmoqchi.
Izoh (0)