AQShning Jorjiya shtatidagi eng qari mahbus 37 yil oldingi qotillik uchun qatl etildi
Jorjiya shtatining rasmiylari 37 yil oldin odam o‘ldirgan jinoyatchini qatl etdi. Bu haqda Reuters bergan ma’lumotlarga asosan “TASS” xabar qilmoqda.
Jorjiya shtatida yil boshidan buyon ilk bor ijroga qaratilgan qatl odamni o‘ldiruvchi inyeksiya yo‘li bilan amalga oshirildi.
Ma’lum qilinishicha, mahkum Brendon Astor Jons Jorjiya shtatida qatl etilgan birinchi qariya hisoblanadi va u 73 yoshini nishonlashiga ikki hafta qolgan edi.
Jons 1979-yilda o‘g‘irlik sodir etish harakatida do‘konning egasini o‘ldirganligi uchun hibsga olingan edi. Uning sherigi ham o‘lim jazosiga hukm qilinib, 1985-yilda qatl etilgan.
Yil boshidan buyon AQShda ijroga qaratilgan qatllar soni Jonsning qatli bilan birga beshtani tashkil etdi. O‘tgan 2015-yilda Jorjiyada besh nafar, AQShda esa jami 28 nafar jinoyatchi qatl etilgan edi.
