Gonduras hukumati Zika virusining tez tarqalib ketayotganligi sababli mamlakatda favqulodda holat e’lon qildi. Bu haqda Associated Press agentligi bergan ma’lumotlarga asosan “RIA Novosti” xabar qilmoqda.
Gonduras Sog‘liqni saqlash vaziri Yolani Batres, mamlakat aholisiga uy-joyini tozalashga, virusning tarqalishiga sababchi bo‘layotgan Aedes Aegypti chivini uchun ozuqa manbai hisoblangan, ko‘chalarda o‘rnatilgan suv to‘playdigan idishlarni olib tashlashga chaqirdi.
Ma’lum qilinishicha, so‘nggi uch oy ichida mamlakatda 3649 ta virus bilan kasallanish holati qayd etildi.
O‘z navbatida, Jahon sog‘liqni saqlash tashkiloti Zika virusi tufayli xalqaro favqulodda vaziyat e’lon qildi.
2016-yil 27-yanvar kuniga kelib, virus bilan kasallanish holati jahonning 27 mamlakatida qayd etildi.