O‘zbekistonlik sayyohlar “Boyqo‘ng‘ir” va “Vostochniy” kosmodromlariga tashrif buyurishi mumkin

“Kosmik infratuzilmaning yerdagi obyektlari ekspluatatsiyasi markazi” Federal davlat unitar korxonasi (Rossiya kosmodromlari) “Boyqo‘ng‘ir” va “Vostochniy” kosmodromlarida yerdagi kosmik turizmni rivojlantirish loyihasi doirasida hamkorlik yo‘lga qo‘yiluvchi sayyohlik operatorlari ro‘yxatini tuzib chiqdi. Bu haqda “Roskosmos” xabar beradi.

40 dan ortiq sayyohlik operatorlari “Boyqo‘ng‘ir” va “Vostochniy” kosmodromlariga sayohatlarni tashkil etish imkoniyatini qo‘lga kiritadi. Ulardan 26 tasi Rossiya hududidagi sayyohlik operatori, yettitasi Qozog‘iston va bittasi O‘zbekistonning sayyohlik operatoridir.

“Yerdagi kosmik turizmni rivojlantirish kosmosni ommalashtirish va ushbu soha faoliyatiga qiziqishni oshirishga imkon beradi”, — deydi “Kosmik infratuzilmaning yerdagi obyektlari ekspluatatsiyasi markazi” FDUKning bosh direktori vazifasini bajaruvchi Ra’no Jo‘rayeva.

Ro‘yxatga kiritilmagan sayyohlik kompaniyalari kosmodromlarga sayyohlik tashriflarini tashkil eta olmaydi.