AQShning Kaliforniya shtatidagi Oranj-Kaunti qamoqxonasidan qochgan va shafqatsizligi uchun “ikkinchi Gannibal Lekter” deb atalayotgan Husayn Noyeriy va uning sheriklarini qidirish davom etmoqda. Bu haqda Meduza xabar berdi.
Uch nafar jinoyatchi ham qamoqxonada sud hukmini kutayotgandi: Noyeriy va Bak Duong odam o‘ldirishga harakat qilganlik, Jonatan Tyu esa qotillikda gumon qilingan.
Qamoqxonada Noyeriy ingliz tili bo‘yicha mashg‘ulotlarga qatnaydi va hozirda qochuvga yordam berishda ayblanayotgan Nushafarin Ravohiy bilan yaqin bo‘lib oladi. Ayol qochoqlarga Google Maps xaritasini qo‘rsatganligini tan oldi, biroq ularga boshqa hech qanday yordam bermaganligini da’vo qilmoqda.
Politsiya jinoyatchilar shtat hududini tark etmagan va ayni paytda birgalikda yashirinib yurgan, deb hisoblamoqda. Dastlabki taxminlarga ko‘ra, jinoyatchilar qamoqxonani tark etganidan so‘ng furgon o‘g‘irlagan va undan hozirda ham foydalanayotgan bo‘lishi mumkin.
Izoh (0)