Tojikiston prezidenti Emomali Rahmon 27-yanvar, chorshanba kuni o‘z qizi Ozoda Rahmonni prezident apparati rahbari etib tayinladi, deya xabar bermoqda “RIA Novosti” davlat rahbari matbuot xizmatiga tayanib.
Ozoda Rahmon bungacha Tojikiston tashqi ishlar vaziri birinchi o‘rinbosari lavozimini egallab kelgan.
Yangi lavozimda prezidentning qizi Baxtiyor Xudoyorzoda o‘rnini egalladi, uning nomzodi Saylovlar va referendumlar bo‘yicha markaziy komissiya raisi lavozimiga ko‘rib chiqish uchun parlamentga kiritilgan.
Ozoda Rahmon tashqi ishlar vaziri birinchi o‘rinbosari sifatida 2013-yil noyabr oyidan buyon ishlab kelgan. Bungacha esa tashqi ishlar vaziri o‘rinbosari va TIV Konsullik xizmati boshlig‘i lavozimlarida ishlagan.
Eslatib o‘tamiz, 2015-yil avgustida Emomali Rahmon o‘zining qiziga I darajali “Sharaf” ordenini topshirgan edi.
Izoh (0)