Eron prezidenti Hasan Ruhoniy va XXR raisi Si Szinpin 23-yanvar, shanba kuni Tehronda uchrashuv o‘tkazdi va 17 ta ikki tomonlama shartnomani imzoladi. Eron janubida ikkita atom elektr stansiyasini qurish va Eron neftini Xitoyga yetkazib berish haqidagi uzoq muddatli shartnomalar shular jumlasidandir. Bu haqda Deutsche Welle nashri ma’lumotiga tayanib, “Vedomosti” xabar beradi.
Eron prezidentining ma’lum qilishicha, Tehron va Pekin iqtisodiy hamkorlik bilan bir qatorda hududdagi terrorizmga qarshi kurashish maqsadida siyosiy hamkorlikni ham mustahkamlashni rejalashtirmoqda.
XXR raisi ham, o‘z navbatida, muzokaralar muvaffaqiyatli o‘tganligini qayd etdi. Uning ta’kidlashicha, siyosiy darajadagi hamkorlik xalqaro tashkilotlar ishtirokida bo‘lib o‘tadi va hududda tinchlikni saqlash uchun xizmat qiladi.
Izoh (0)