Moskvada mavlud bayrami munosabati bilan Muhammad (s.a.v.) payg‘ambarning sochi namoyish etildi

Moskvadagi “Krokus Siti Xoll” konsert zalida 24-yanvar, yakshanba kuni  Checheniston rahbari Ramzan Qodirov tomonidan jome’ masjidi qayta ochilishi munosabati bilan poytaxt musulmonlariga tortiq etilgan Muhammad (s.a.v.) payg‘ambarning sochi namoyish etildi. Bu haqda “Rus yangiliklar xizmati” xabar bermoqda.

Payg‘ambar sochi mavlud bayrami — Muhammad (s.a.v.) payg‘ambar tug‘ilgan kun munosabati bilan uyushtirilgan teatrlashgan tomosha chog‘ida ko‘rgazmaga qo‘yildi. Uni 1,5 soat davomida 7 ming kishi ko‘rishga muvaffaq bo‘lgan. Tashkilotchilar Ramzan Qodirov 2015-yil sentabrida Moskva musulmonlariga hadyani topshirganidan beri uning ilk bor namoyish etilishi ekanligini ta’kidlagan.