Salvador hukumati Zika bezgagi tufayli mamlakat ayollaridan 2 yil farzand ko‘rmaslikni so‘radi

Salvador hukumati Zika bezgagi tufayli mamlakat ayollarini 2016—2017-yillar davomida farzand ko‘rmaslikka chaqirdi. Bu haqda respublika sog‘liqni saqlash vaziri o‘rinbosari Eduardo Espinosaning ma’lumotiga tayanib, “TASS” xabar beradi.

“Barcha farzand ko‘rish yoshidagi ayollarga shu yili va kelgusi yilda oilani rejalashtirishda ehtiyotkor bo‘lish va homilador bo‘lishning oldini olishni taklif qilamiz”, — dedi u.

Avvalroq boshqarma rahbari Violeta Menxivar homiladorlik davrida ushbu virus bilan kasallanish chaqaloqning rivojlanishidagi og‘ir tug‘ma nuqsonlarga yoki uning halok bo‘lishiga olib kelishi mumkinligi haqida ogohlantirgan edi.