Ryazan shahrida 5-qavatdan tushib ketgan 5 yoshli bola tirik qoldi

Rossiyaning Ryazan shahrida 20-yanvar, chorshanba kuni besh yoshli bola ko‘pqavatli turar joy binosining beshinchi qavati derazasidan tushib ketdi. Bu haqda Rossiya Federatsiyasi hududiy tergov qo‘mitasining matbuot xizmati ma’lumotiga tayanib, “Interfaks” xabar beradi.

Derazadan qulab tushgan bola tirik qolgan, u shifoxonaga yetkazilgan.

“Dastlabki ma’lumotlarga qaraganda, bolaning onasi o‘g‘lini biroz vaqtga uyda yolg‘iz qoldirgan”, — deyiladi xabarda.

Ushbu holat bo‘yicha tergovoldi tekshiruvi o‘tkazilmoqda. Ushbu jarayonda yuz bergan hodisaning barcha vaziyatlari aniqlashtiriladi.