Xitoyning Meituan Dianping kompaniyasi dunyoning eng qimmat startaplari qatoriga kirdi

Xitoyning ulgurji savdo va mahsulot yetkazib berish bilan shug‘ullanuvchi Meituan Dianping kompaniyasi 3,3 milliard dollar miqdoridagi moliyalashtirishni jalb etdi. Bu haqda Bloomberg agentligi ma’lumotiga tayanib, “Interfaks” xabar beradi.

Kompaniyaning o‘zi 19 milliard dollarga baholangan. Uning bu qadar yuqori baholanishi 2015-yilning oxirida “Meituan.com” va “Dianping.com”ning birlashishi natijasida tashkil topgan kompaniyaga dunyoning eng qimmat startaplari qatoriga kirish imkonini berdi.

Kompaniyaga Tencent Holdings internet giganti, shuningdek, DST Global va Trust Bridge Partners jamg‘armalari investorlik qilishini ma’lum qilgan.