Suriya prezidenti Bashar Asad sanksiyalar bekor qilingani munosabati bilan Eron prezidenti Hasan Ruhoniyga tabrik xati yo‘lladi. Bu haqda IRNA agentligiga tayanib, “TASS” xabar bermoqda.
Asad Ruhoniyni “adolatsiz sanksiyalarning bekor qilingani” bilan tabrikladi hamda Eron xalqiga muvaffaqiyat va ravnaq tiladi. U yana terrorizmga qarshi kurashda Suriyani qo‘llab-quvvatlagani uchun Eronga minnatdorchilik bildirdi va “Suriya xalqi o‘zining qonuniy huquqlarini har doim himoya qilgani”ni ta’kidlab o‘tdi.
Eslatib o‘tamiz, 16-yanvar kuni BMT, AQSh va Yevropa Ittifoqi Eronga nisbatan iqtisodiy va moliyaviy cheklovlarni olib tashladi. Bu Atom energiyasi bo‘yicha xalqaro agentlik (MAGATE) Eron o‘z yadro dasturining muzlatilishini nazarda tutuvchi bitimning barcha shartlarini bajargani haqidagi ma’ruzani taqdim etgach, sodir bo‘ldi.
Izoh (0)