11-yanvar kuni saratondan vafot etgan afsonaviy qo‘shiqchi Devid Bouining Blackstar nomli so‘nggi albomi Billboard chartlarida birinchi o‘rinni egalladi. Oldin qo‘shiqchining biror albomi Amerika chartlarida peshqadamlik qilmagandi, deya xabar beradi Meduza.
Nielsen Music kompaniyasi ma’lumotlariga ko‘ra, sotuvi boshlangandan keyin birinchi haftaning o‘zida Blackstar 174 ming nusxada tarqalgan. Bu Nielsen sotuvlar hisobini olib borayotgan 1991-yildan beri Boui yozuvlari uchun rekord ko‘rsatkich hisoblanadi. Shuningdek, AQShda eng ommalashgan albomlar beshligida xonandaning mashhur qo‘shiqlari to‘plami — Best of Bowie to‘rtinchi o‘rinda qayd etilgan.
Eslatib o‘tamiz, oldinroq Devid Bouining qo‘shiqlarini uning o‘limidan keyin 4000 foiz ko‘proq odam tinglay boshlagani haqida xabar berilgandi.
Izoh (0)