Hindistonda 30 nafar maochi hukumatga taslim bo‘ldi
Hindistonning Chxattisgarx shtatidagi Bastar okrugida 30 nafar maochi jangarilar hukumatga taslim bo‘ldi. Bu haqda politsiya vakili bergan ma’lumotlarga asosan “TASS” xabar qilmoqda.
Ma’lum qilinishicha, Bastar okrugida maochilarning yetakchisi yo‘q qilingach, jangarilarning faoliyati susaygan. Natijada, 30 nafar maochi taslim bo‘lishga qaror qildi.
Huquqni muhofaza qiluvchi idoralar ixtiyoriy ravishda qurolini tashlagan hamda og‘ir va o‘ta og‘ir jinoyat sodir etmagan maochi jangarilarga nisbatan amnistiya e’lon qilgan edi. Ularga 10 ming rupiy (150 dollardan ziyod) miqdorida bir martalik badal to‘lovi belgilangan. Bundan tashqari, hukumat taslim bo‘lgan maochilarni uy-joy bilan ta’minlab, ularga ish topishda yordam beradi.
Eslatib o‘tamiz, Hindiston politsiyasi 15-yanvar, juma kuni to‘rt nafar maochini yo‘q qilgan edi.
