BMT Bosh kotibi Pan Gi Mun Burkina-Faso poytaxti Uagaduguda uyushtirilgan teraktni qoraladi va hujum qurbonlarining yaqinlariga hamdardlik bildirdi. Bu haqda “TASS” xabar qilmoqda.
Bayonotda keltirilishicha, bosh kotib hujum uyushtirishda ayblanayotgan shaxslarni tezda topish va jazolash lozimligini bildirib, Burkina-Faso hukumatini to‘liq qo‘llab-quvvatlashini hamda mamlakat va hududning terrorizmga qarshi kurashishida o‘zining birdamligini ma’lum qilgan.
So‘nggi ma’lumotlarga ko‘ra terakt qurbonlari soni 26 kishini tashkil qilib, ular orasida xorijliklar ham bor.
Eslatib o‘tamiz, terrorchilar tomonidan egallab olingan Splendid Hotel mehmonxonasi shturmi chog‘ida garovda ushlab turilgan 63 kishi ozod qilingan edi.
Izoh (0)