AQShda noyabrdan beri Powerball lotereyasining 68 nafar ishtirokchisi millioner bo‘ldi
AQShdagi eng ommabop lotereyalardan biri Powerball jekpotining rekord daraja 1,3 milliard dollarga yetishi bilan bir qatorda uning 68 nafar ishtirokchisi millioner bo‘ldi. Bu haqda CNN telekompaniyasi ma’lumotiga tayanib, “TASS” xabar beradi.
7-noyabrdan buyon ishtirokchilarning 59 nafaridan har biri 1 million dollardan, sakkiz nafari esa 2 million dollardan yutib oldi.
CNN’ning hisob-kitobiga qaraganda, jekpot miqdorining oshganligi Powerball chiptalari sotuvining oshishiga olib keldi. Lotereya ishtirokchilaridan 28 nafari 9-yanvar kuni bo‘lib o‘tgan bir o‘yin natijalariga ko‘ra millionlar sohibiga aylandi.
Qoidaga ko‘ra, yutuq egasi jekpotni 29 yil davomida qismlarga bo‘lingan holda olish yoki uni birdaniga qo‘lga kiritishni tanlash imkoniyatiga ega. Keyingi holatda yutuq summasi, soliqlarni hisobga olmaganda, taxminan ikki barobarga kamayadi.
