Rossiyalik mansabdorlar o‘rtasidagi eng ommabop avtomobillar aniqlandi
Rossiyalik amaldorlar orasida eng ommabop avtomobil Ford Focus hisoblanadi, uning hissasiga vazirlik va idoralar avtoparkining beshdan bir qismi to‘g‘ri keladi, deb yozadi Meduza.
“RBK” Rossiya Ichki ishlar vazirligi, Favqulodda vaziyatlar vazirligi, Jazolarni ijro etish federal xizmati, Narkotiklar aylanishini nazorat qilish bo‘yicha federal xizmat, Tergov qo‘mitasi, Sog‘liqni saqlash vazirligi, Prezident ishlari bo‘yicha boshqarma kabi tashkilotlar va ularning hududiy bo‘linmalariga tegishli avtomobillar haqidagi ma’lumotlarni tahlil qilib, shunday xulosaga keldi.
Vazirlik va idoralar avtoparklarida ikkinchi o‘rinni UAZ “Patriot”, uchinchi o‘rinni Ford Mondeo egalladi.
Lyuks avtomobillar kategoriyasida mansabdorlar 632, 525, 750 seriyasidagi BMW, Audi A6, Mercedes E350 va S350, shuningdek, Volkswagen Passat’ni afzal ko‘radi.
Eng qimmatbaho mashinalar prezident, bosh vazir, chet mamlakat yetakchilari, qator oliy toifali davlat mansabdorlariga xizmat ko‘rsatuvchi Federal qo‘riqlov xizmatiga tegishlidir.
