6-yanvar, chorshanba kuni AQShning Jorjiya shtatidagi Buford aholi punktida qurollangan erkak ikki yoshli o‘g‘lini otib tashladi va o‘z joniga qasd qildi. Bungacha 43 yoshli Tay Xo 18 soat davomida bolani garov tariqasida ushlab turgan, deya xabar beradi “TASS”.
Politsiya vakili Mishel Piyeraning ma’lum qilishicha, ota farzandini zo‘rlik bilan tutib turgan uy shturm qilinmagan. Bu yerga politsiya maxsus bo‘linmasini zudlik bilan jo‘natish to‘g‘risidagi qaror uyda o‘q ovozlari eshitilganidan so‘ng qabul qilingan. Bo‘linma binoga kirishga muvaffaq bo‘lganda bolakayning jasadiga duch keladi, uning otasi esa politsiya eshikni buzayotganda o‘zini otib o‘ldirgan.
Aytishlaricha, erkak dastlab rafiqasi va yana bir necha kishini garovga olgan. Keyinchalik o‘g‘lini olib qolib, qolganlarni qo‘yib yuborishga rozi bo‘lgan.
Eslatib o‘tamiz, oldinroq AQShning Jorjiya shtatidagi mehmonxonada ayol va 11 nafar bolani garovga olgan amerikalik o‘z joniga qasd qilgandi. Shuningdek, AQSh prezidenti Barak Obama mamlakatda o‘q uzishlar oqibatida kelib chiqqan o‘lim hodisalarini yodga olib, ko‘ziga yosh kelgani haqida xabar berilgandi.
Izoh (0)