Noma’lum pranker Kasilyas ustidan hazil qilib, unga Zidan nomidan “Real”ga qaytishni taklif qildi

Noma’lum pranker “Portu” darvozaboni Iker Kasilyas ustidan hazil qildi. Bu haqda AS bergan ma’lumotlarga asosan “Sport Ekspress” xabar qilmoqda.

Ma’lum qilinishicha, u Kasilyasga qo‘ng‘iroq qilib, o‘zini “Real”ning yangi bosh murabbiyi Zinedin Zidan deb tanishtirgan va Madrid klubiga qaytishni taklif qilgan. 2015-yil yozida “qaymoqranglilar” safini tark etgan Kasilyas taklifga rad javobini berdi.

Eslatib o‘tamiz, Zinedin Zidan 4-yanvar kuni “Real” jamoasiga bosh murabbiy etib tayinlangan edi.