31-dekabr kuni O‘zbekistonda havo — ora-sira quyosh charaqlagani holda — bulutli bo‘lishi, kunduzi +15 daraja iliqlik huk surishi kutilmoqda. Ko‘proq erta bahor yo kech kuzni yodga soladigan bu iqlim odamlardagi bayramona kayfiyatga ta’sir qilayotgani yo‘q.
Facebook’dagi “Voditeli Tashkenta (Drivers.uz)” guruhi a’zosi Yangi yil bayramini nishonlayotgan va o‘zining mashhur “Banana” qo‘shig‘ini kuylayotgan minionlar tasviri bilan bezatilgan Chevrolet Spark avtomobili suratlarini e’lon qildi.
Fotosuratlar ostida komment qoldirgan guruh foydalanuvchilari Spark-Minion deb ham ta’riflangan avtomobil haydovchisining bu harakatini olqishlagan va “shunday haydovchilarni yo‘lda ko‘proq uchratsang, kayfiyating ham chog‘ bo‘ladi”, mazmunida fikrlar bildirgan.
Izoh (0)