Vladimir Putin Cicero siyosiy jurnali tomonidan “Yil odami” deb topildi

Germaniyaning Cicero siyosiy jurnali Rossiya prezidenti Vladimir Putinni “Yil odami” deb topdi. Bu haqda “TASS” xabar beradi.

“Putin jahon siyosatida hal qiluvchi shaxs bo‘lishga muvaffaq bo‘lganligini tan olmaslik mumkin emas”, — deb ta’kidladi jurnal redaktori Kristof Shvennikke.

“Rossiyasiz hech narsa olg‘a siljimaydi. Buni Eron yadro dasturi yuzasidan muzokaralar yoki Suriyadagi urush va Suriya mojarosiga siyosiy yechim topish bo‘yicha Vena muzokaralari misolida ham ko‘rish mumkin”, — deydi u.

“Putinni yaxshi ko‘rmaslik mumkin, lekin u bilan har qachongidan ham ko‘proq hisoblashish zarur”, — deb xulosa qiladi Cicero bosh redaktori.