Toshkentda To‘qimachilik texnoparkini yaratish bo‘yicha loyihaning dastlabki qiymati 15 million dollarga baholanmoqda. Bu haqda “O‘zbekyengilsanoat” aksiyadorlik jamiyati tomonidan 16-dekabr kuni tashkil qilingan, Koreya Respublikasi delegatsiyasi ishtirokidagi ushbu loyihani amalga oshirish bo‘yicha seminar chog‘ida aytib o‘tildi, deb yozadi “12news.uz”.
Koreya to‘qimachilik texnologiyalari instituti direktori Park Yong Xvan ta’kidlashicha, prognoz qilinayotgan 15 million dollarlik mablag‘ hisobidan qurilish-montaj ishlarini amalga oshirish, texnologik uskunalarni sotib olish va o‘rnatish, xodimlarni Texnoparkdan foydalanish bo‘yicha o‘qitish rejalashtirilmoqda.
Hozircha Koreya tomonidan umumiy maydoni 10 ming kvadrat metrga teng yuqori texnologiyali 3 va 5 qavatli ma’muriy binolar, shuningdek, quyosh batareyalari bilan ta’minlangan alohida 2 qavatli binoning eskiz rejasi ishlab chiqilgan.
Izoh (0)