Qamchiq dovonida 18—20-dekabr kunlari vaqti-vaqti bilan kuchli qor yog‘ishi mumkin. Bu haqda, “O‘zgidromet” ma’lumotlariga asoslanib, O‘zbekiston Favqulodda vaziyatlar vazirligi ogohlantirmoqda.
“A-373 “Toshkent — O‘sh” avtomobil yo‘lining Qamchiq dovonidan o‘tgan qismida 18-dekabrga o‘tar kechasi, shuningdek, 18—20-dekabr kunlari qor yog‘ishi, vaqti-vaqti bilan kuchayishi kutilmoqda”, — deyiladi vazirlik axborotida.
Qayd etilgan kunlarda Qamchiq dovonida havo harorati -10 darajagacha pasayishi, shamolning tezligi soniyasiga 20 metrgacha kuchayishi, tuman tushishi, noqulay ob-havo sharoiti sabab ko‘rish uzoqligi 50—100 metrgacha qisqarishi kutilmoqda.
Avvalroq, 18—20-dekabr kunlari butun O‘zbekiston bo‘ylab qor yog‘ishi kutilayotgani haqida xabar berilgan edi.
Izoh (0)