2003 SD220 (163899) ulkan asteroidi 24-dekabr kuni Yer yaqinidan uchib o‘tadi, deya xabar bermoqda Gizmodo. Osmon jismi 11 million kilometr naridan uchib o‘tadi, bu Oygacha bo‘lgan masofadan 28 marta katta demakdir. Asteroidni durbinsiz ko‘rib bo‘lmaydi.
Tadqiqotchilar taxmin qilishicha, osmon jismi ko‘mirsimon xondrit (C-xondrit), ya’ni tarkibida temir ko‘p bo‘lgan to‘q tusli asteroiddir. Bizga ma’lum bo‘lgan asteroidlarning taxminan 75 foizi shunday turga kiradi.
Olimlar hisob-kitoblariga ko‘ra, 2003 SD220 soatiga 101 ming km tezlikda harakatlanib, sekin aylanmoqda. Asteroidning uzunligi 1,1 va 2,5 km oralig‘ida deb taxmin etilgan edi, endi astronomlar u 2 kilometrga tenglashayotgani, osmon jismining o‘zi tovuq oyog‘ini eslatayotganini aytmoqda.
Izoh (0)