Xonanda Nigora nima uchun to‘yida o‘z otasi bilan vals tushganini izohladi

Xonanda Nigora nima uchun o‘z to‘yida otasi bilan birga vals tushganini izohladi. Bu haqda u “Darakchi” gazetasiga bergan intervyusida aytib o‘tdi.

“Bugungi kunda qizning dadasi to‘yning boshida bir-ikki soat mehmon bo‘lib ketishi urf bo‘lgan. Biz ham avvaliga shunday yo‘l tutmoqchi edik. Ammo qaynotam: ‘Quda, farzandlarimizning baxtli kunida siz ham to‘y oxirigacha mehmon bo‘ling’, — deya taklif qildilar”, — dedi Nigora.

Maxsus instogramdigilaga kelin otasi bn

A video posted by Administrator (+99890)9435005 (@umidaxonxojieva) on Nov 21, 2015 at 10:06am PST

“Raqsga kelsak, dadam aslida juda rashkchi inson. Ayniqsa, meni hammadan kenja qiz bo‘lganim uchun qizg‘anadilar. Turmush o‘rtog‘im bilan raqsga tushayotganimni ko‘rib, biroz qizg‘andilar, shekilli, raqsga tushishni taklif qildilar. To‘ydan avval bu raqsni rejalashtirmagandik”, — dedi Nigora.

Eslatib o‘tamiz, xonandalar Oybek va Nigoraning to‘yi 21-noyabr kuni Toshkent shahrida bo‘lib o‘tgandi. To‘ydan bir hafta o‘tar-o‘tmas, ular to‘y xizmatlariga chiqishni boshladi.

• To‘yida otasi bilan raqsga tushgan kelin. Oybek va Nigoraning to‘yidan fotoreportaj