Yosh ijodkor Kamilla “Illyuziya” deb nomlangan rus tilidagi taronasi orqali ko‘pchilikning e’tiborini o‘ziga qaratdi.
Shu kunlarda xonanda o‘zbek tilidagi “Endi sevmaganday” qo‘shig‘iga ishlangan to‘liq animatsion klipini ommaga namoyish etdi.
Klip 3D formatida Pomidor entertainment prodyusserlik markazida tayyorlandi. Klipni tayyorlash jarayoni uch oy davom etdi.
Klipdagi bosh qahramon Kamillaning o‘zidan chizib olingan.
Kamilla — yosh, iste’dodli xonanda. Ijodini 4 yoshidan Toshkentdagi “Alladin” estrada guruhida boshlagan.
2009-yil musiqa maktabini fortepiano yo‘nalishi bo‘yicha a’lo baholar bilan tamomlab, Estrada va sirk kollejining “Estrada vokali” yo‘nalishiga o‘qishga kiradi.
2012-yildan esa ta’limni O‘zbekiston Davlat madaniyat va san’at institutida “Musiqiy teatr aktyori” ixtisosligi bo‘yicha davom ettirmoqda.
U 2015-yili Pomidor entertainment prodyuserlik markazi bilan shartnoma imzolab, bugungi kunda Kamilla taxallusi ostida ijod qilmoqda.
Reklama huquqi asosida
Izoh (0)