Tech Insider nashri texnologiyalar sohasidagi millioner va milliarderlarning avtomobillari bilan tanishtirdi.
Tim Kukning birinchi mashinasi Porsche Boxster bo‘lgan, biroq shu kunlarda u BMW 5 Series avtomobilidan foydalanmoqda.
Tesla va SpaceX ortidan milliarderga aylangan Ilon Mask 67 Series 1 E Type Jaguar’ga egalik qiladi.
Facebook asoschisi va bosh direktori Mark Sukerbergning, ma’lumotlarga ko‘ra, bir nechta avtomobili bor, shulardan biri 1,3 million dollardan boshlanadigan Pagani Huayra superkaridir.
Microsoft asoschisi Bill Geytsning Porsche mashinalaridan iborat kattagina kolleksiyasi bor, biroq ular orasida eng zo‘ri, shubhasiz, Porsche 959 sportkaridir.
Amazon bosh direktori Jeff Bezos haligacha 1996-yilgi Honda Accord avtomobilini haydab yuradi. Bugungi kunda bu model taxminan 4000 dollar turadi.
Snapchat asoschisi va rahbari Evan Shpigelning Ferrari’si bor.
Uber taksi xizmati bosh direktori Trevis Kalanik faqat Uber’dan foydalanib harakatlanadi. Shuningdek, u qo‘shimcha ravishda Uber taksichisi bo‘lib ishlashi bilan mashhur.
Google asoschilaridan biri Sergey Brin Tesla’ning eng yangi mashinasi va birinchi yo‘ltanlamasi — Model X’ni qo‘lga kiritgan to‘rtinchi kishidir.
Sergeyning Google bo‘yicha sherigi Lerri Peyj ham Tesla avtomobiliga ega.
Napster asoschilaridan biri va Facebook birinchi prezidenti Shon Parker San-Fransiskoda Audi S5 haydab yursa, Los-Anjelesda uni 100 ming dollarlik Tesla Model S’da ko‘rish mumkin.
Dell bosh direktori Maykl Dell bir nechta mashinalar, jumladan Hummer H2 va Porsche Carrera GT’ga egalik qiladi.
