Janubiy koreyalik harbiylar Koreya Respublikasining Sariq dengiz ajratuvchi chizig‘i yaqinidagi suv hududiga kirgan noma’lum kemaga qarata ogohlantiruvchi o‘t ochdi. Bu haqda “RIA Novosti” xabar beradi.
“Harbiy-dengiz kuchlari ogohlantirishdan so‘ng, ogohlantiruvchi o‘t ochdi”, — deyiladi Mudofaa vazirligi vakili xabarida.
Hodisa Pennendo oroli yaqinida yuz berdi. Janubiy Koreya Harbiy-dengiz kuchlariga qarashli patrul kemasi tomonidan o‘t ochildi.
Mudofaa vazirligi hozircha kemaning qaysi davlatga tegishli ekanligi haqida aniq ma’lumotga ega emas. Uning Shimoliy Koreyaga tegishli yoki Xitoyning baliq ovlovchi kemasi bo‘lishi mumkinligi taxmin qilinmoqda.
Izoh (0)