Londondagi Milliy tabiatshunoslik muzeyi 51-marotaba tashkil etilgan xalqaro Wildlife Photographer of the Year fototanlovi g‘oliblari nomini e’lon qildi.
Pixel xabariga ko‘ra, 2015-yilgi tanlovda kanadalik havaskor fotosuratchi Don Gutoski “Ikki tulki haqida qissa” fotosurati bilan g‘oliblikni qo‘lga kiritdi.Ikki tulki haqida qissa
Bosh sovrin sohibi “Sut emizuvchilar” turkumiFotosurat muallifi: Don Gutoski, Kanada.
Malla tulkilar qutb tulkilariga qarshi faol ov qilmaydi, biroq yirtqichlarning yo‘llari kesishib qolsa, nizo chiqishi tayin. Yoritish sharoitlari xira edi, biroq vaziyatning ayanchli ekani oppoq qor fonida aniq ko‘rinib turibdi.Loyxo‘rak
Yovvoyi tabiatni suratga olish bo‘yicha 11—14 yoshli eng yaxshi fotosuratchiFotosurat muallifi: Ondrey Pelanek, Chexiya
Norvegiyaning Varanger yarimorolida yashovchi nar loyxo‘raklar oila qurish va avlod qoldirishga kim ko‘proq munosibligini aniqlash maqsadida jang qilmoqda.Alvon ibislar parvozi
Yovvoyi tabiatni suratga olish bo‘yicha 15—17 yoshli eng yaxshi fotosuratchiFotosurat muallifi: Jonatan Jagot, Fransiya
Jagot Braziliya shimoli-sharqidagi Lensoysh daryosi qirg‘og‘i yaqinida qayiqda o‘tirarkan, qum va tropik moviy osmon fonida uchib ketayotgan alvon ibislarni suratga olgandi.Uchovlon
“Qushlar” turkumi g‘olibiFotosurat muallifi: Amir Ben-Dov, Isroil
Ijtimoiylashgan bu qirg‘iylar to‘da bo‘lib Markaziy va Sharqiy Yevropadan janubiy va janubi-g‘arbiy Afrikaga ko‘chib yuradi.Natyurmort
“Amfibiyalar va sudralib yuruvchilar” turkumi g‘olibiFotosurat muallifi: Edvin Gisbers, Gollandiya
Suv sathida qotib qolgan bukri triton.
Og‘zi to‘la kit
“Suvosti dunyosi” turkumi g‘olibiFotosurat muallifi: Maykl Au, Avstraliya
Brayd yo‘l-yo‘l kiti sardin baliqlarini to‘dasi bilan birga yutib yuboryapti.
Suv o‘tlaridan hosil bo‘lgan san’at asari
“Yuqoridan ko‘rinish” turkumi g‘olibiFotosurat muallifi: Pere Soler, Ispaniya
Har yili bahorda Andalusiya sohillaridagi Baiya-de-Kadis tabiat bog‘ida yuqoridan xuddi shunday manzaraga guvoh bo‘lish mumkin.Piyodaning soyasi
“Shaharda” turkumi g‘olibiFotosurat muallifi: Richard Piters, Buyuk Britaniya
Shaharliklarning aksariyati ular bilan yonma-yon yashayotgan tulkini odatda mana shunday qiyofada ko‘radi.San’atga uyg‘unlashib ketgan hayot
“Taassurotlar” turkumi g‘olibiFotosurat muallifi: Xuan Tapia, Ispaniya
Tapia mo‘yqalamda chizilgan rasmda qaldirg‘och sig‘adigan darajada teshik qoldirib, uni eski bir boloxona derazaga joylashtirib qo‘ydi. Fotosuratchi qush teshik orqali “rasm ichiga kirib kelgan” vaziyatni tasvirga muhrladi.Taslim bo‘lgan mushuklar
“Yovvoyi tabiat fotojurnalisti — 2015” maxsus sovrini sohibiFotosurat muallifi: Britta Yashchinski, Germaniya / Buyuk Britaniya
Xitoyning Guylin shahridagi “Yetti yulduz” bog‘ida chiqish qilayotgan sherlar. Ularning tishlari va tirnoqlari sug‘urib olingan. Britta so‘nggi 20 yildan beri jahon bo‘ylab sayohat qiladi, biroq Xitoydagi kabi shafqatsizlikka hech qayerda duch kelmagandi.
Izoh (0)