Eng yaxshi o‘yinlar va ishlab chiquvchilarni taqdirlash bo‘yicha The Game Awards an’anaviy marosimida 2015-yilning yakunlari e’lon qilindi, deb yozadi “Gazeta.ru”.
“Yil o‘yini” nominatsiyasida Polshaning CD Project Red kompaniyasi tomonidan ishlab chiqilgan “Jodugar-3: Yovvoyi ov” o‘yini g‘olib bo‘ldi. Ushbu kompaniya 2015-yilning eng yaxshi ishlab chiquvchisiga ham aylandi. Polshaliklar Bethesda Game Studios (Fallout 4), From Software (Bloodborne), Kojima Productions (Metal Gear Solid V: The Phantom Pain) va Nintendo’ni ortda qoldirdi.
Rocket League poyga-futbol arkadasi eng yaxshi mustaqil videoo‘yin deb topildi. Shuningdek, marosimda Xbox One uchun Rocket League, Rise of the Tomb Raider uchun yangi qo‘shimcha, Telltale Games studiyasining Batman haqidagi yangi loyihasi va The Walking Dead o‘yinining davomi chiqishi e’lon qilindi. Bundan tashqari, Uncharted 4, Far Cry Primal va Quantum Break’ning yangi treylerlari namoyish etildi.
Izoh (0)