Shvetsiyada to‘rt nafar biatlonchining 14500 yevrolik narsalari o‘g‘irlab ketildi

Shvetsiyaning Ostersund shahrida bo‘lib o‘tayotgan jahon Kubogi uchrashuvlari davomida birvarakayiga to‘rt nafar biatlonchi ― ikki fransuz va ikki avstriyalik o‘g‘rilardan jabr ko‘rdi. Bu haqda “Korrespondent.net” xabar bermoqda.

Yovuz niyatlilar harakatidan jabr ko‘rganlardan biri fransuz Simon Furkad voqea tafsilotlari bilan bo‘lishdi.

Uning aytishicha, narsalar sportchilar jahon Kubogi o‘tkazilishi davrida istiqomat qilib kelayotgan Ostersunddagi mehmonxonadan o‘g‘irlangan. Taxminlarga ko‘ra, chang‘i anjomlari 2015-yil 1―2-dekabr orasida o‘g‘irlangan.

“Bu juda afsuslanarli holat. Biz bu yerda ilgari ko‘p bo‘lganmiz va bu kabi hodisa hech qachon sodir bo‘lmagan”, ― deya ta’kidladi Fransiya jamoasinig murabbiyi Stefan Butye.

Biatlonchilarga jami 14500 yevro miqdorida zarar yetkazilgan. Sportchilar politsiyaga murojaat qilgan.