AQSh prezidenti Kaliforniya shtatidagi otishma terrorchilik bilan bog‘liq bo‘lishi mumkinligini istisno etmadi. Bu haqda “Interfaks” xabar bermoqda.
“San-Bernardinodagi otishma terrorchilik bilan bog‘liq bo‘lishi ehtimoldan xoli emas, biroq biz hali bu haqda aniq bilmaymiz. Shu bilan birga, fojia sababi ish joyidagi mojaroga aloqador bo‘lishi ham mumkin”, — deya ta’kidlagan Obama. Davlat rahbarining fikricha, “AQShda ma’lum bir shaxslar qurol xarid qilishini murakkablashtirish uchun zarur choralar ko‘rish lozim”.
Eslatib o‘tamiz, 3-dekabr, payshanbaga o‘tar kechasi San-Bernardinodagi nogironlar uyida sodir bo‘lgan otishma oqibatida 14 kishi halok bo‘lgan va 17 kishi jarohatlangan.
Izoh (0)