Mark Sukerbergning Facebook’dagi aksiyalarining 99 foizini xayriyaga yo‘naltirishi haqidagi qarori jamoatchilik e’tiborini tortish maqsadidagi harakatdir, deb yozadi Gawker portali jurnalisti Sem Biddl. Bu haqda “RIA Novosti” xabar bermoqda.
Uning so‘zlariga ko‘ra, biznesmen qiziq bir PR-manyovrni amalga oshirgan.
Biddl Facebook asoschisining ushbu qadamini tadbirli deb hisoblaydi, chunki biznesmen o‘z rafiqasi Prissilla Chan bilan aksiyalarni o‘zlari ochadigan kompaniya orqali sarflaydi.
Buzzfeed portali Facebook vakili bilan bog‘langanida, u Sukerberg rafiqasi bilan xayriya jamg‘armasi emas, kompaniya ochishini tasdiqlagan. Shuningdek, mablag‘ nafaqat filantropiyaga, balki qator jamoatchilik tashabbuslariga sarflanishini ta’kidlashgan.
Eslatib o‘tamiz, Mark Sukerberg va Prissilla Chan qiziga maktub yozib, unda qizaloq voyaga yetishi umid qilinayotgan olam haqida hikoya qiladi.
Sukerbergning ma’lum qilishicha, u va uning turmush o‘rtog‘i jahondagi barcha bolalar uchun shunday olamni qurishda yordam berish uchun kichik hissa qo‘shadi. “Biz Facebook’dagi aksiyalarimizning 99 foizini — hozirgi vaqtda ularning qiymati 45 milliard dollarga teng — hayotimiz davomida bu olamni keyingi avlodlar uchun yanada yaxshilash uchun yo‘naltiramiz”, — deb yozdi Mark Sukerberg.
Izoh (0)