Rossiya prezidenti Vladimir Putin Suriya va Turkiya chegarasida urib tushirilgan Su-24 samolyoti komandirining vafotidan keyin unga Rossiya Qahramoni unvonini berdi, deya xabar qiladi Meduza.
Rossiya prezidenti saytida chop etilgan mukofotlash to‘g‘risidagi farmonda aytilishicha, podpolkovnik Peshkov Oleg Anatolyevichga “harbiy burchini bajarish chog‘ida ko‘rsatgan qahramonligi, mardligi va jasorati uchun Rossiya Federatsiyasi Qahramoni (vafotidan keyingi) unvoni berildi”.
Shu farmonga muvofiq, Rossiya prezidenti Su-24 samolyotining Rossiya va Suriya harbiylari tomonidan qutqarib qolingan shturmani kapitan Konstantin Muraxtin hamda qutqaruv operatsiyasida qatnashib, qidiruv ishlari chog‘ida turkmanlar tomonidan o‘ldirilgan matros Pozinich Aleksandr Mixaylovichni (vafotidan keyingi) Jasorat ordenlari bilan taqdirladi.
- Voqea: Turkiya urib tushirgan Su-24
Izoh (0)