Xitoylik sobiq millioner Van Yan itlar uchun boshpana yarataman deb, o‘z mol-mulkini sotdi, deya xabar bermoqda “Interfaks”. Uning davlati bir necha million yuan (1 dollar 6 yuanga teng)ga baholangan edi.
2012-yilda 29 yoshli Van Yan sevimli itini yo‘qotib qo‘yib, uni qidirish chog‘ida jonivorlar kushxonasidagi manzaralarga guvoh bo‘lgach, u yerni sotib olib, uning o‘rnida boshpana qurishga qaror qildi.
Biroz vaqt o‘tib, u yerda saqlanayotgan itlar soni mingtagacha ham yetdi, ularning ko‘pchiligi yangi egalari qo‘llariga topshirildi. Ayni paytda boshpanada 215 tacha kuchuk saqlanmoqda.
Van Yan xayriya bilan shug‘ullana boshlagach, uning moddiy ahvoli yomonlashdi, qarzlari yig‘ilib qoldi. Biroq u bundan hech ham umidsizlangani yo‘q, aksincha, boshpanani yuritishda unga yordam beradigan kishilar topilishiga ishonchi komil.
Izoh (0)