Mali poytaxti Bamakodagi mehmonxonani, ichidagi 170 kishisi bilan birga ikki terrorchi garovga olgan. Bu haqda, Agence France-Presse agentligiga asoslanib, “Vedomosti” xabar bermoqda.
Mehmonxona egasi hisoblangan Rezidor Hotel Group’dan ma’lum qilishlaricha, hodisa yuz bergan vaqtda mehmonxona ichida 140 nafar mehmon va 30 nafar xodim — kamida 170 kishi bo‘lgan.
Fransiyaning RFI radiostansiyasi xabariga ko‘ra, terrorchilar mehmonxonaga diplomatik raqamlardagi mashinada kelib, ichkariga kirishdan avval mehmonxona hovlisida otishma keltirib chiqargan. Mahalliy OAV xabariga ko‘ra, otishma vaqtida mehmonxona qo‘riqchilari halok bo‘lgan.
BBC News ma’lumotlariga ko‘ra, hujum vaqtida odamlar halok bo‘lgan, ular orasida mehmonxona xodimlari va mehmonlari bor. Qayd etishlaricha, Bamakodagi Radisson Blu mehmonxonasida amaldorlar va Malida ishlayotgan chet ellik mutaxassislar ko‘p bo‘ladi.
AQShning Malidagi elchixonasi Bamakodagi otishma yuz bergani haqidagi xabarlarni tasdiqlab, xodimlarga elchixonada qolishni, AQShning qolgan fuqarolariga esa ko‘chaga chiqmasdan, mahalliy yangiliklarni kuzatishni tavsiya qildi.
Avvalroq, Mali poytaxtida otishmalar davom etayotgani haqida xabar berilgan edi.
Izoh (0)