Rossiya tashqi ishlar vaziri Sergey Lavrov A321 samolyoti bortidagi portlashni Rossiyaga hujum bilan tenglashtirdi. Bu haqda u livanlik hamkasbi Jabron Basil bilan uchrashuvi yakunlari bo‘yicha o‘tkazilagan matbuot anjumanida ma’lum qildi, deya xabar beradi Meduza.
Lavrovning aytishicha, hujum uyushtirilganligi Rossiyaga “o‘zini himoya qilish huquqi”ni siyosiy, harbiy, diplomatik va boshqa uslublar bilan amalga oshirish imkonini beradi.
“Bizning harakatlarimizga kelsak, ular BMT Nizomining 51-moddasiga asoslanadi. Mazkur modda istalgan davlatning unga hujum uyushtirilgan taqdirda yakka tartibda yoki jamoaviy tarzda himoyalanish huquqini anglatadi. Sinay yarim orolidagi terakt Rossiya fuqarolariga hujum bo‘lgan, bu esa davlatga xuruj qilish bilan barobar” , — deya ta’kidlagan Lavrov.
Izoh (0)