Euronews telekanalida 17-noyabr, seshanba kuni “Uzbekistan life” dasturining “Buxoroning boy hunarmandlik merosi” deb nomlangan yangi qismi efirga uzatildi. Bu haqda “O‘zbekturizm” milliy kompaniyasi matbuot xizmatiga tayanib, UzDaily xabar berdi.
Buxoro qadimdan o‘zining tillasi va ipagi, gilamlari va taqinchoqlari bilan mashhur bo‘lgan. Bu gal “Life” dasturi boshlovchisi gilam to‘quvchi ayol xonadonida mehmon bo‘lib, Buxoro gilamlarining yaratilish sirlari haqida hikoya qilgan.
Yil oxirigacha telekanal orqali Termiz shahrining me’moriy obidalari haqidagi reportaj efirga berilishi kutilmoqda. Dunyoning 155 mamlakatiga 13 tilda uzatiladigan Euronews orqali efirga ketgan O‘zbekiston haqidagi barcha ko‘rsatuvlarni telekanal saytidan topish mumkin. Ular “O‘zbekturizm” bilan hamkorlikda tayyorlanmoqda.
Izoh (0)