Rossiyaning Tomsk shahrida 22 yoshli yigit pitssaga uylandi. “Novosti v Tomske” internet-portaliga xabar berishlaricha, bunday “kelin-kuyov”ning FHDYo bo‘limiga kirishiga ruxsat berilmagan, biroq kafeda baribir to‘y marosimi bo‘lib o‘tgan.
Tomsklik yigit yolg‘izlikdan juda charchagani va doimiy umr yo‘ldoshi yo‘qligi sabab, pitssaga uylanishga qaror qilgan.
“Qarasam, do‘stlarimning yarmi oilaviy hayotdan nolisa, ikkinchi yarim aynan oilaviy hayotning yo‘qligidan norozi. Insonlar o‘rtasidagi muhabbat murakkab va uni oldindan bilib bo‘lmaydi, ovqatga muhabbat esa — abadiy. Pitssa muhabbatni rad etmaydi va bevafolik qilmaydi, men esa haqiqatan ham uni juda sevaman”, — dedi u.
Yosh yigit va uning suyuklisini norasmiy nikoh rishtalari bilan pitsseriya bog‘lab qo‘ydi. Nikoh haqidagi guvohnomani FHDYo xodimlari o‘rniga pitsseriya oshpazlari va menejerlari topshirdi. Kuyov qo‘lidagi “qaylig‘i” bilan fotosessiya uyushtirdi.
2015-yilning iyul oyida AQShning San-Fransisko shahrida istiqomat qiluvchi yozuvchi Devid Sikorski do‘stlaridan “qasos olish” uchun shaurmaga uylangani haqida xabar berilgan edi.
Izoh (0)