Parijda 13-noyabr kuni uyushtirilgan terrochilik hujumlari tashkilotchisi 27 yoshli suriyalik radikal Abdulhamid Abaud bo‘lgan, deya xabar bermoqda “Gazeta.ru” Fransiyaning RTL radiosiga tayanib.
Tergov ma’lumotlariga ko‘ra, Abaud Fransiya poytaxtidagi hujum va portlashlarga homiylik qilgan va ularni tashkillashtirgan. Uni “Suriyadagi IShIDning eng faol jangarilaridan biri” deb atashmoqda.
Abaudning ismi Belgiyada teraktlar tayyorlash haqidagi tergov doirasida avval ham tilga olingan. Bundan tashqari, u yil boshida Gretsiyada ta’qib etilgan terrorchilar orasida bo‘lgan. Ba’zi ma’lumotlarga ko‘ra, u hibsga olingan.
Eslatib o‘tamiz, Parijdagi teraktlar ketma-ketligi 13-noyabr oqshomida yuz berdi. Terrorchilar “Stad de Frans” stadioni yaqinida bomba portlatdi, bir qator restoranlar va konsert zalidagi tomoshabinlarga qarata o‘t ochdi. So‘nggi ma’lumotlarga ko‘ra, teraktlar oqibatida 129 kishi halok bo‘lgan.
- Voqea: Parijdagi teraktlar
Izoh (0)