Yurakning tanadan tashqarida urib turishini ta’minlovchi qurilma kashf etildi

Yurakning tanadan tashqarida ham urib turishini ta’minlovchi qurilma kashf etildi, deb xabar beradi “Mejdunarodniy nauchniy jurnal”.

Organ Care System nomli qurilma ko‘chirib o‘tkazilayotgan yurakni uzoq masofadan keltirish imkonini beradi. Bunda yurakni muzlatib qo‘yishga zarurat bo‘lmaydi, sababi yetkazish vaqti mobaynida yurak urishda davom etadi. Bunda operatsiyaning muvaffaqiyatli natijaga olib kelish imkoniyati 15 foizdan 30 foizga oshadi.

Bundan tashqari, ekspertlarning ta’kidlashicha, Organ Care System texnologiyasi amalda nafaqat yurak, balki inson tanasining boshqa a’zolari – o‘pka, buyrak kabilarning faoliyatini ham ta’minlay oladi.

Organ Care System qurilmasi yarimshaffof konteyner bo‘lib, undagi yurakka suyuqlik yoki havo bilan ta’minlab turuvchi bir nechta trubkalar ulanadi.