Rossiyalik IT-milliarder Yuriy Milner va uning amerikalik hamkasblari Mark Sukerberg va Sergey Brin o‘zlari yaratgan Breakthrough Prize ilm-fan mukofotining navbatdagi sovrindorlarini e’lon qildi, deya xabar bermoqda “RIA Novosti”. Ushbu mukofot biologiya, fizika va matematika sohalaridagi kashfiyotlar uchun beriladi.
Breakthrough Prize mukofoti va jamg‘armasi Milner, Brin va Sukerberg hamda ularning do‘stlari tomonidan 2012 va 2013-yillarda dastlab fizika, so‘ng biologiya va matematika sohalarida ham ilmiy tadqiqotlarni rag‘batlantirish maqsadida yaratilgan.
Sovrindorlarni saralash bir nechta bosqichlarda olib boriladi — avvaliga, nomzodlar fond sayti foydalanuvchilari tomonidan onlayn ravishda ovoz berish orqali tanlab olinadi, so‘ng yakuniy laureatlarni har bir nominatsiya bo‘yicha o‘tgan yilgi g‘oliblar aniqlaydi. Moddiy qiymati jihatidan Breakthrough Prize Nobel mukofotidan yuqori turadi. Uning mukofot puli 3 million dollarga teng (Nobelniki — 1,2 million).
Izoh (0)