Afg‘onistonda oktabr oyida 4280 kishi o‘ldirildi, ularning 3,7 mingdan ziyodi jangari bo‘lgan. Bu haqda Afg‘onistonning Tolo news telekanaliga tayanib, “Interfaks” xabar bermoqda.
Shuningdek, oktabrda mamlakatda 897 ta terrorchilik hujumlari va xavfsizlikka tahdid bilan bog‘liq boshqa harakatlar qayd etilgan, bu sentabr oyidagiga nisbatan 3 foizga ko‘p demakdir. Aksilhukumat guruhlarining qurolli hujumlari 7 foizga oshgan (126 tani tashkil qilgan), hukumat qo‘shinlari esa o‘z operatsiyalari sonini 10 foizga ko‘paytirgan (536 ta).
Afg‘onistonda oktabrda o‘ldirilgan kishilar soni sentabr oyidagidan 28 foizga ko‘p ekanligi ta’kidlandi.
Izoh (0)