Rossiyaning “Kalashnikov” konserni Hindistonda avtomatik qurol-yarog‘ ishlab chiqarish bo‘yicha qo‘shma korxona yaratishni muhokama qilmoqda, deb yozadi “RIA Novosti”.
Konsern bosh direktori Aleksey Krivoruchko so‘zlariga ko‘ra, ayni paytda Hindistonda davlat va xususiy kompaniyalar bilan muzokaralar olib borilmoqda. Hindiston kompaniyalari avtomatlar ishlab chiqarishga 2008-yildan buyon qiziqish bildirib kelayotgan bo‘lsa-da, jiddiy muzokaralarga 2015-yil boshidagina kirishilgan.
“Dastlab, biz yiliga kamida 50 ming dona mahsulot ishlab chiqarishni ko‘zda tutmoqdamiz, kelajakda esa ishlab chiqarish hajmi ortadi”, — dedi Krivoruchko. Uning aytishicha, hindistonliklar 5,56 va 7,62 millimetr kalibrli avtomatlarga qiziqish bildirmoqda.
Izoh (0)