AQSh harbiy-dengiz kuchlari 7-noyabr, shanba kuni Kaliforniya janubiy qirg‘og‘ida “Kentukki” atom suvosti kemasidan uchirgan Trident II qit’alararo ballistik raketasini mahalliy aholi noma’lum uchuvchi jism sifatida qabul qildi. Bu haqda “RBK” xabar bermoqda.
Raketa parvozini Janubiy Kaliforniyadan tortib Nevada va Arizonagacha bo‘lgan hududda yuzlab odamlar kuzatgan. Ular raketa osmonda qoldirgan yorqin izni meteorologik zond, meteorit yoki NUJ ekanligi borasida bahslashgan.
AQSh qirg‘oqlarni qo‘riqlash xizmati amerikalik harbiylar navbatdagi raketa sinovini o‘tkazgani va yaqin oradagi harbiy-dengiz bazasidan uchirilgan ballistik raketa osmonda iz qoldirgani haqida izoh berishga majbur bo‘ldi.
Izoh (0)