AQShning Kornell universiteti olimlari yog‘ bosish bilan kasallanish holatlarining 95 foizi gazli ichimlik va fastfud iste’mol qilish bilan bog‘liq emasligini aniqladi, deya xabar bermoqda “Korrespondent.net”.
Diyetologlar amerikaliklar tana og‘irligi indeksini, shuningdek, ular kun bo‘yi iste’mol qiladigan fastfud va sog‘lom taomlar miqdorini tahlil qildi.
Ma’lum bo‘lishicha, fastfud miqdori va yog‘ bosish o‘rtasidagi bevosita o‘zaro aloqa aholining besh foizigagina xos. Qolgan holatlarda 56 dan 140 kilogrammgacha bo‘lgan kishilar deyarli bir xil miqdorda fastfud iste’mol qilgan.
Shu tariqa, olimlar fastfudni AQShdagi semizlik epidemiyasining sababchisi deb atab bo‘lmaydi, degan xulosaga keldi.
Izoh (0)