Fransiyaning Yevropada birdamlik uchun harakati (ROUE) Charlie Hebdo haftalik jurnalining Rossiya samolyotining Sinay yarim orolida qulashi mavzusidagi karikaturalarini qoraladi. Harakat raisi Mishel Grimar buni “sharmandalik” deb atagan. Bu haqda “TASS” xabar bermoqda.
“Butun mamlakatning qayg‘usiga sabab bo‘lgan fojiaga bunday yengil-yelpi yondashuv mazkur karikaturalar mualliflariga yaxshi nom olib kelmaydi, — deya hisoblaydi Grimar. — Bunday sharmandali karikaturalarni so‘z erkinligi bilan oqlab bo‘lmaydi”.
Oldinroq rasmiy Parij haftalik chop etgan karikaturalarga daxli yo‘qligini ma’lum qilgandi. Mamlakat TIV vakili “avialayner halokati haqida xabarlar paydo bo‘lishi bilan Fransiya birinchilardan bo‘lib Rossiya rasmiylari va xalqiga hamdardlik bildirgani”ni eslatdi.
Izoh (0)